Rayon Sports yarezwe mu Rukiko rw’ubucuruzi kuko itubahirije Amasezerano y’ubucuruzi na Gatete Vincent, Aho yarafite Amasezerano yo gucuruza ahabereye ibikorwa byose bya Rayon Sports, birimo Imikino kuri Stade ndetse n’Ibindi birori.
Ubuyobozi bwa Rayon Sports bwari buyobowe na Uwayezu Jean Fidele ndetse n’umunyamabanga Namenye Patrick, nibo basinye Amasezerano na Gatete Vincent, ariko Aho Uwayezu Jean Fidele aviriyeho kubera uburwayi , Komite yamusimbuye ikuriwe na Twagirayezu Thadee nabo bari bafatangije barayirengagije kugeza Aho n’ibikoresho by’Ubucuruzi bya Gatete Vincent babifatiriye burundu.
Gatete Vince akaba n’Umuyobozi wa Fan Club yitwa “VISION” yitabaje Ubutabera ,atanga ikirego mu Rukiko rw’Ubucuruzi rw’ibanze Atsinda Rayon Sports Aho yasabwe kumuha Miriyoni Icumi , Rayon Sports yajuririye iki cyemezo cy’urukiko ariko Umunsi wambere yahawe yo kuburana Umunyamategeko wayo Nubumwe Jean Bosco ntiyaboneka urubanza rwongera kwimurwa inshuro ebyiri zose.
Rayon Sports yumvise ko ku nshuro ya Gatatu nititaba urubanza ruzaburanishwa , Umunyamategeko Nubumwe Jean Bosco yaritabye ariko asaba ko habaho ubwumvikane , Ari Gatete Vincent n’umunyamategeko we Seif Jean Bosco Ntirenganya barabyemeye dore ko hari mugihe Minisiteri y’Ubutabera yari mugihe cyo gushishikariza Ababurana “UBUTABERA NSANASANO” bumvikana ko Rayon Sports yahera ku bikoresho bya Gatete Vincent yafatiriye ibimusubiza ikibazo kikarangira tariki 25 Gashyantare 2026 bakajya ku Rukiko kumvikana no kubisigaye ariko Itariki bumvikaniyeho kujyayo ya 26 Gashyantare, Ari ibikoresho ntabyo yahawe no ku Rukiko ntabwo bahageze.
Umucamanza ufite uru Rubanza wanagerageje uburyo habaho ubwumvikane yongeye gufata Umwanzuro ko , ku Itariki ya 17 Mata 2026 aribwo urubanza ruzaburanishwa Urukiko rugatanga Umwanzuro nanone kuriki kibazo bigaragara ko Rayon Sports ikomeza Gushaka gutinza .
Abakunzi ba Rayon Sports batandukanye Bazi iki kibazo , Bose bahuriza ko kuva ku Buyobozi bwa Twagirayezu Thadee ndetse n’ubwinzibacyuho buyobowe na Murenzi Abdalla , baje Bose bashaka kwihunza iki kibazo Kuko bavuga ko Gatete Vincent ngo yari mubakunzi ba Perezida Uwayezu Jean Fidele, ariko bakanibaza uburyo bamwe mubayobora Rayon Sports baza batareba inyungu zayo ahubwo bigaragara ko bashaka kuyihombya kandi ukabona ko abariho bashaka ko bazarangiza Manda yabo nubwo yarangiye kuri 25 Gashyantare 2026 uru Rubanza rukirimo , bibaza bati ese ubu suguhima Rayon Sports, Kuko nabo ubwabo ibikorwa byabo ntabwo bakwifuza ko byakorwa Nkuko bakorera Rayo Sports.
Gatete Vincent we avuga ko ubundi atifuzaga ko habaho kujyana mu Butabera Rayon Sports nawe abereye Umunyamuryango Kuko anatangamo umusanzu buri kwezi n’Itsinda ayoboye (Fan Club VISION) ariko Ubuyobozi bwaramunanije burundu , yongeraho ko Abakunzi ba Rayon Sports Akomeza kubashishikariza Kuba Hafi yayo cyane , no kumukino ifitanye na Musanze FC ejo tariki 28 Gashyantare 2026 i Musanze bakazaba bariyo mu kuyishyigikira.
