Kuri uyu wa Kabiri tariki ya 3 Gashyantare 2026 Arsenal yasezereye Chelsea muri Crabao Cup ku kinyuranyo cy’ibitego 2.
Ni umukino watangiye ubona ko amakipe yombi arwana no kubona igitego cya kare ariko ntibyayakundira, ikipe ya Chelsea itozwa na Liam Rosenior abakunzi bayo bayihaga icyizere cyo gutsinda Arsenal ibitego bibiri k’ubusa nk’uko yabisabwaga ngo ibashe kugera k’umukino wa nyuma ariko ntibyaje kuyikindira kuko umutoza Mikel Arteta utoza Arsenal yasanze nawe yaramwize bihagije.
Umukino wari wabanje Arsenal yari yatsinze Chelsea ibitego 3-2 bivuze ko Arsenal yo yasabwaga kutinjizwa igitwego muri uyu mukino, ubwo iminota 90 isanzwe y’umukino yarangiraga umusifuzi yongeyeho iminota 6 ariko kubera ko abakinnyi bagiye batinza umukino umusifuzi yaje kurenzaho umunota umwe akaba ari nawo Arsenal yaje kubonamo igitego cyatsinzwe na Kai Havertz gishimangira urugendo ruyigeza k’umukino wa nyuma wa Carabao Cup.
Arsenal isezereye Chelsea ku giteranyo cy’ibitego 4-2, Arsenal itegereje ikipe iza kurokoka hagati ya Manchester City na Newcastle kuri uyu wa Gatatu saa 22:oo PM. Mumukino ubanza Manchester City yari yatsinze Newcastle ibitego 2-0 ndetse iyi Manchester City ikaba ariyo ihabwa amahirwe yo kuzacakirana na Arsenal k’umukino wa nyuma.
