Kuri uyu wa Gatatu tariki ya 1 ukwakira 2025 ikipe ya APR FC yakinnye umukino wa mbere wa CAF Champions League na Pyramids, ikina neza ariko itsindwa ibitego bibiri.
Ni umukino watangiye kw’isaha ya munani zuzuye, watangiye amakipe yombi yatakana ariko ubona ko mu minota ya 10 ya mbere ikipe ya APR FC yageragezaga gushaka igitego, nk’aho ku munota wa kane Mugisha Girbert yakase santre imbere y’izamu ariko hakabura ushyira mw’izamu, ku munota wa 6 ikipe ya Pyramids yabonye koruneri ya mbere yatewe na Mohamed Chibi ariko ntiyagira icyo itanga.
Umukino wa komeje ariko ubona ko Abatoza ba Pyramids bamaze gushyuha ibi byaje gutuma umusifi aza kwihanangiriza umutoza utishimiraga imisifirire, ku munota wa 8 Ibrahim Blati Toure yahawe ikarita y’umuhondo biturutse ku kutunva Umusifuzi(agasuzuguro).
Ku munota wa 12 umukinnyi wa Pyramids Ahmed El Sawu yakorewe ikosa, maze umusifuzi atanga kufura yatewe na Mohamed Sharaf Eldin ariko ntiyagira icyo ibyara, ku munota wa 27 nimero 17 Mohamoud Abdelhafiz yavuye mu kibuga kubera invune asimburwa na nimero 20, ku munota wa 31 Younusu wa APR FC yageze umukinnyi wa Pyramids maze umusifuzi atanga kufura ariko nayo atavuyemo igitego kuko abakinnyi ba APR FC bahise bakuraho umupira, iminota 45 y’igice cya mbere yarangiye Umusifuzi wa Kane yongeraho iminota 3 yinyongera.
Ku munota wa 46 APR FC yabonye uburyo bwiza ku mupira ukomeye w’umutwe APR FC yateye mw’izamu maze umuzamu Elhenawi awukuramo.
Igice cya kabiri cyatangiranye imbaraga kuruhande rwa Pyramids ibyo byaje gutuma ku munota wa 50 Fiston Mayele atsindinda igitego cy mbere, nyuma yo gutsindwa iki gitego APR FC ntiyacitse intege yakomeje kwataka nkaho ku munota wa65 DAO yateye ishoti rikomeye kubwamahirwe make ntiryajya mw’izamu rinyura hejuru gato y’izamu.
Ku munota wa 72 APR FC yabonye uburyo bwiza bwari kuvamo igitego ku mupira wazamukanwe neza n’abakinnyi ba APR FC maze Memel Rouf Dao atera ishoti rikomeye mw’izamu kuri pase yari ahawe Cloude maze umuzamu wa Pyramids FC awukuramo.
APR FC yaje gusimbuza abakinnyi barimo William Mel Togui, Mugisha Gilbert na Dauda Yusif bava mu kibuga hinjiramo Denis Omedi, Mamadou Sy ndetse na Hakim Kiwanuka.
Ku munota wa 78 ikipe ya Pyramids FC yabonye kufura ariko umuzamu Ishimwe Piere awukuramo, ku munota wa 81 Mamadou sy yatsindiye APR FC igitego cyo kwishyura ariko basanga yarariye ni kumupira mwiza yari ahawe na Dao, ku munota wa 85 umugande Hakim Kiwanuka yateye poto ku mupira yari ahawe na Ruboneka j.Bosco.
Nyuma y’umunota umwe gusa APR FC iteye poto, Rutahizamu wa Pyramids FC Fiston Mayele yaciye murihumye ba myugariro ba APR FC maze atsinda igitego cya kabiri.
Iminota 90 y’Umukino yarangiye APR FC itsinzwe ibitego bibiri kuri kimwe maze umusifuzi wa Kane yongeraho iminota 8 y’inyongera.
Mu minota 8 y’inyongera APR FC yabonye kufura yatewe na Dao ariko ntiyavamo igitego nanone kandi APR FC yabonye ubundi buryo aho Mamadou sy yateye umupira w’umutwe ariko umuzamu Elshenawi akomeza kuba ibambaumupira awukuramo.
Mu gice cya kabiri umutoza mukuru wa Pyramids yaje guhabwa ikarita itukura ubwo bivuze ko umukino wo kwishyura atazawutoza.
Umukino warangiye APR FC itsinzwe ibitego 2-1, umukino wo kwishyura uteganijwe ku cyumweru tariki ya 5 Ukwakira 2025.
Mbere y’uko uyu mukino uba kapiteni w’iyi kipe yari yavuzeko gutombora Pyramids FC aba ari amahirwe ko ntabwoba bagira bwo gutombora Pyramids FC, nubwo APR FC yatsinzwe ariko icyizere kiracyahari.
