Impuza mashyirahamwe y’umupira w’amaguru muri Africa CAF yongereye amafaranga yahaga amakipe yitabiye amarushanwa itegura, aho bakubye kabiri amafaranga yahabwaga amakipe yitabiye.
Rayon sports na APR FC niyo makipe azahagararira U Rwanda mu mikino nya Africa ya CAF Champions League n’iya Confederations cup, ubusanzwe CAF yahaga amakipe yitabiye ibihumbi 50 by’amadorali ya Amerika, ariko ubu amakuru ahari avuga ko aya mafaranga yazamuwe akagera kubihumbi 100$ arenga miliyoni 140 FRW.
CAF yahisemo kuzamura aya mafaranga kugira ngo amakipe agorwa no kwitabira iyi mikino abe yabona uko akina ijonjora ry’ibanze biyoroheye, Kumakipe yo mu karere ka Afurica U Rwanda ruherereyemo iyo akora ingendo zerekeza mu Barabu usanga bakoresha asaga Miliyoni 70frw, mu gihe bakoresheje neza bije y’urugendo ndetse bigaterwa n’itsinda bajyanye.
Zimwe mu ngendo amakipe yo mu Rwanda yakoze mu mikino nya Afurica zikageza kuri ayo mafaranga, igihe Rayon sports yerekezaga muri Libya mu 2023, bagiye gukina na Al-Ahil Benghazi muri Rawundi ya kabiri y’imikino ya CAF confederations cup, uru rugendo rwatwaye asaga Miliyoni 65 Frw, Nko kuri APR FC ho usanga hari n’ingendo zitwara arenga Miliyoni 100 FRW.
Aya mafaranga CAF yatanze byitezwe ko azafasha aya makipe mu ngendo z’imikino y’ambere kuko buri uko urenze icyiciro hari amafaranga uhabwa, by’umwihariko iyo ikipe igeze mu matsinda ya CAF Champions League ihabwa 700,000 USDT ubwo ni arenga miliyoni 950 Frw, naho iyageze mu matsinda ya CAF confederations cup ihabwa ibihumbi 400,000 USDT ubwo ni arenga miliyoni 570 Frw.
Iyi mikino nya Afurica yo muri uyu mwaka biteganyijwe ko imikino y’ijonjora ry’ibanze izatangira hagati ya tariki ya 19-21 Nzeri 2025, Naho iyo kwishyura izakinwa Tariki ya 26 kugeza ku ya 28 Nzeri 2025, naho iyi jonjora rya kabiri izakinwa Tariki ya 17-19 Ukwakira 2025.
CAF kandi yatangaje ko amakipe azitabira iyi mikino agomba kuba yarangije kwandikisha abakinnyi izifashisha bitarenze tariki ya 31 Kanama 2025 ni mugihe kwandikisha abakinnyi bizatangira tariki ya 1 Kanama.
Amakipe azasohokera u Rwanda ni APR FC izaba iri muri CAF Champions League na Rayon sports izaba iri muri CAF confederations cup.
Hakomeje kwibazwa niba nyuma ya Rayon sports yabikoze mu 2018 igera mu matsinda ya CAF confederations cup ko harindi izabikora.
APR FC irashaka kugera mu matsinda ya CAF Champions League, Aho yabiteguye mu buryo bugaragara, nkaho yaguze abakinnyi bakomeye bazayifasha kubigeraho.
