Rayon sports y’Abagore iherutse kugera ku mukino wanyuma wa CAF Women’s Champions League CECAFA 2025 yashyiriweho agahimbazamusyi ka miliyoni 16 mugihe yatwara igikombe.
Kuri uyu wakabiri ikipe ya Rayon sports WFC irakina umukino wanyuma wa CAF Women’s Champions League CECAFA 2025 na JKT yo muri Tanzania saa munani.
Mbere y’uko Rayon sports WFC ikina uyu mukino LAVERITE.RW yakiye amakuru ava ahantu hizewe ko mu gihe Rayon sports WFC yatwara iki gikombe ko ubuyobozi bwa FERWAFA bwemeye kubakubira kabiri agahimbaza musyi babahaye ka miliyoni 5 kakagera kuri miliyoni 10, naho ubuyobozi bwa Rayon sports nabwo bukaba bwavuze ko bukuba kabiri agahimbazamusyi ka miliyoni 3 babahaye kakagera kuri miliyoni 6 Frw, bivuzeko yose hamwe ari miliyoni 16 Frw.
N’ubwo Laverite.rw yakiye aya makuru yizewe, hari n’andi makuru avuga ko uruganda rwa Skol narwo hari agashimwe bateguriye Rayon sports WFC mu gihe yatwara iki gikombe.
Perezida wa Rayon sports bwana Twagirayezu Thadé yamaze kugera muri Kenya aho agiye gukurikira uyu mukino ntiyagiye wenyine kuko yajyanye n’abandi bayobozi bafatanyije kuyobora umuryango wa Rayon sports.
