Ikipe ya Rayon sports iri kw’isoko ry’Abakinnyi babanyarwanda irifuza bikomeye abakinnyi batatu ba Mukura VC harimo na Uwumukiza Obed bisa n’ibyamaze kurangira.
Amakuru ahari avuga ko ikipe ya Rayon Sports yeteye imboni muri Mukura VC ku ikubitiro ikaba yarateye imboni umukinnyi Uwumukiza Obed ngo aze gusimbura Serumugo Ally uherutse gusuhoka muri iyi kipe, amakuru akaba avuga ko ubwo Rayon Sports yabazaga ibya Obed yabajije n’abandi bakinnyi babiri aribo Iradukunda Elie Tatou ndetse na Joseph Sackey ukina hagati asatira.
Kuri aba bakinnyi bandi Rayon Sports iri gushaka bisa nk’ibigoranye kuko aba bakinnyi bose bagifitiye Mukura VC amasezerano y’umwaka umwe n’igice kuko aba bombi bangereye amasezerano y’imyaka ibiri mu mpeshyi ya 2025.
Kuba aba bakinnyi bagifite amasezerano ni impamvu ikomeye ituma Rayon Sports kubona aba bakinnyi bisa nk’ibigoranye kuko kubona ubushobozi bwo kugura amasezerano y’aba bakinnyi bigoye.
Si ubwa mbere Rayon Sports yifuje Umunya-Ghana Joseph Sackey kuko no mumpeshyi ya 2025 yari yamwifuje ariko birangira batumvikanye ku giciro cyo kumugura.
Amakuru agera kuri Laverite.rw avuga ko Uwumukiza Obed kuba yaza muri Rayon Sports amahirwe ageze kuri 90%.
