Rayon sports yatsinzwe na Al Hilal ibitego 4:0 m’umukino w’umunsi wa 15 wa Shampiyona maze abakunzi bayo bakomeza kwicwa n’agahinda.
Ni umukino wabaye k’umunsi w’ejo washize ku wa Gatandatu tariki ya 17 Mutarama 2026 saa 17:30.
Ni umukino watangiye ubona ko ubona ko ikipe ya Al Hilal iri hejuru cyane ya Rayon sports dore ko iyi kipe yakiniriga cyane mukibuga cya Rayon sports, k’umunota wa 3 Al Hilal yabonye kufura ariko itaragize icyo itanga.
K’umunota wa 9 Al Hilal yabonye koruneri yatewe neza maze abakinnyi ba Al Hilal bashyize k’umutwe batera igiti cy’izamu umupira ugarutse mu kibuga usanga El Hadji Kane ahagaze neza ahita ashyira mu izamu, ikipe ya Al Hilal iba ibonye igitego cyambere k’umunota wa 10.
K’umunota wa 22 ikipe ya Al Hilal yari yarushije cyane Rayon sports yaje kubona kufura ariko Yves umuzamu wa Rayon sports umupira awukuramo, k’umunota wa 23 Al Hilal yabonye koruneri itaragize icyo itanga kimwe n’iyo yabonye k’umunota wa 39 nayo itaragize icyo itanga.
Ikipe ya Al Hilal yakomeje kotsa igitutu izamu rya Rayon sports ibi byatumaga abakinnyi ba Rayon sports bakora amakosa yagendaga avamo imipira y’imiterekano myinshi kuko no k’umunota wa 44 Al Hilal yabonye kufura ariko itewe umusifuzi asifura ko Sana Eldin Adil wari uteye mu izamu n’umutwe ko yari yaraririye.
Aminota 45 isanzwe ikinwa mu gice cya mbere yarangiye ari igitego kimwe cya Al Hilal k’ubusa bwa Rayon sports. Umusifuzi yongeyeho iminota 3 nayo yarangiye ntagihambaye gikozwemo.
Igice cya kabiri cyatangiranye impinduka haba mu mikinire ndetse no gusimbuza abakinnyi, k’umunota wa 54 Al Hilal yari yakomeje kurusha cyane Rayon sports yabonye igitego cya kabiri cyatsinzwe na J.Cloude Girumugisha.
Rayon sports yakomeje gushaka uko yakwishyura ibitego bibiri yari imaze gutsindwa ariko ntibyaza kuyihira kuko wabonaga ko umutoza wayo Bruno Ferry yari yabuze ibisubizo ku ntebe y’abasimbura ndetse ukabona ko hakiri icyuho gikomeye mu gice gisatira izamu cya Rayon sports.
K’umunota wa 59 Al Hilal yabonye igitego cya Gatatu cyatsinzwe na Yahoud Omer Taha.
Iminota 90 isanzwe y’umukino yarangiye ari ibitego bitatu bya Al Hilal k’ubusa bwa Rayon sports. Umusifuzi yongeyeho iminota 5 k’umunota wa nyuma w’inyongera Al Hilal yaje gutsinda igitego cya Kane cyatsinzwe na J.Cloude Girumugisha wari utsinze igitego cya kabiri muri uyu mukino.
Umukino warangiye ari ibitego bine bya Al Hilal k’ubusa bwa Rayon sports.
Uyu ubaye umukino wa kabiri Rayon sports itsinzwemo ibitego bine nyuma y’uwo yatsinzwemo na APR FC ibitego 4-1 w’igikombe cya Super cup.
Abakunzi ba Rayon sports bakomeje kwinubira uko iyi kipe yabo ikomeje kwitwara ndetse bamwe batangiye nokwerekeza mu yandi makipe arimo na APR FC.
Kuri ubu Al Hilal ni iya mbere n’amanota 35 mu mikino 15 imaze gukina naho Rayon sports iri k’umwanya wa 9 n’amanota 24 mu mikino 15 imaze gukina.
