APR FC mu biganiro n’umukinnyi watsinze ibitego 15.

APR FC isigaje kugura umukinnyi umwe w’umunyamahanga yasubiye kw’isoko nyuma yo gusinyisha abakinnyi 7 harimo ba 2 babanyamahanga.

Nk’uko Chairman wa APR FC Brig.Gen Deo Rusanganwa aherutse kubitangaza yavuzeko iyi kipe izagura abakinnyi batatu babanyamahanga gusa, ubu ikaba imaze gusinyisha babiri gusa aribo umugande Ronald Ssekiganda hamwe n’umunya-Brukina Fasso Memel Raouf Dao.

Amakuru LAVERITE.RW ikesha umunyamakuru w’Umunya-Ghana, Edmund Okai Gyimah, ukorera mu Rwanda ngo y’uko ikipe ya APR FC yifuje umukinnyi w’umunya-Ghana witwa Stephen Amankona ukina atahabizamu ariko aciye kuruhande rw’iburyo, ariko ikipe yakinagamo ya Belkum Chersea yo muri Ghana ngo ikaba yaciye APR FC ibihumbi 100$ (Ubwo ni arenga miliyoni 145 Frw).

Stephen Amankona yavutse mu 2000 akaba afite imyaka 25 y’amavuko, yageze muri Berkum Chersea avuye muri Asante Kotoko.

Mu mikino 26 ya shampiyona yakinnye yatsinze ibitego 15 nta mupira wavuyemo igitego yatanze (assist), muri iyo mikino 26 yakinnye yahawe mo amakarita 7 y’umuhondo.

Uyu mukinnyi si APR FC iri kumushaka gusa kuko ari gushakwa na Ismaily SC yo mu Misiri, Caizer Chiefs yo muri Afurika Y’Epfo, Yanga Africans na Simba SC zo muri Tanzania.

Tubibutse ko ushaka kwamamaza cyangwa hari ubundi bufasha ushaka kutugezaho waduhamagara kuri 0792070858.