K’umunsi w’ejo hasize ku wa Gatatu Tariki ya 11 Kamena 2025 Komisiyo ishinzwe amatora mu gihugu cy’Uburundi izwi nka CENI yatangaje ibyavuye mu matora y’abagize inteko ishinga amategeko n’ayabayobozi b’Amakomine.
Ni amatora yabaye mu cyumweru gushize aho ishyaka riri k’ubutegetsi CNDD-FDD rya Prezida w’u Burundi, Evariste Ndayishimiye ariryo ryegukanye imyanya yose mu nteko ishinga amategeko, Iri shyaka rya CNDD-FDD ni naryo ryatangajwe ko ryatsinze amatora y’Abadepite ku kigero cy’ijana ku ijana, Naho Komisiyo y’amatora ya CENI, yo yemeza ko aya matora yagenze neza, ariko ikavuga ko habayemo udukoda duto.
Nubwo CENI yatangaje ko amatora yagenze neza, Hari abakurikiraniye hafi aya matora bo bavuga ko habayemo uburiganya bwinshi, kuko batanga ingero zaho uwajyaga gutora yaherekezwaga aho atorera kandi bagaherekezwa n’abo mwishyaka riri k’ubutegetsi mu Burundi, Ndetse bikavugwa ko baberekaga abo batora, iyi Komisiyo ishinzwe amatora mu Burundi ejo ku wa Gatatu yatangaje ibyavuye mu matora ivuga ko ishyaka riri k’ubutegetsi CNDD-FDD ryatsinze amatora ku kigero cyohejuru.
Dore uko amatora yagenze mu Ntara 5 zigize u Burundi.
Mu Ntara ya Buranga ishyaka CNDD-FDD ryatwaye amajwi 17 kuri 27, Naho muri Butanyerera ryatwaye amajwi 23 kuri 23, Muri Bujumbura ryatwaye amajwi 23 kuri 23, Mu Gitega ryatwaye 21 kuri 21.
Nkuko amategeko yo mu Burundi abiteganya muri abo Badepite batowe haziyongeramo batatu bo mu bwoko bw’Abatwa.
