Kuri uyu wa gatandatu tariki ya 7 Kamena 2025 ikipe ya Rayon sports yasinyishije myugariro w’Umurundi Musore Prince Michael ukina ahazwi nko kuri gatatu.
Uyu mukinnyi yari amaze igihe kitari gito avugwa muriyi kipe yambara ubururu n’umweru yemwe hari n’amakuru avuga ko yari amaze iminsi igera kuri itatu arihano murwanda muri aparitema z’umwe mu bayobozi ba Rayon sports aho baganiraga kubigendanye no kumusinyisha.
Myugariro Musore Prince yavukiye mu Burundi akaba yaravutse tariki ya 13 Ukwakira 1998 akaba afite imyaka 26 y’amavuko.
Imibare yuyu mukinnyi mu myaka ibiri ishize iravuga iki?
Musore Prince Yavuze ko muri season 2023/2024 ko yakinnye imikino 28 maze atanga imipira yavuyemo ibitego 6 (assists) atsinda igitego 1, Icyo gihe Kandi yaje mu bakinnyi 11 beza ba Primus Ligue Burundi ndetse n’ikipe ye yatwaye igikombe cya shampiyona.
Muri season 2024/2025 yakinnye imikino 26 atsinda ibitego 4 anatanga imipira yavuyemo ibitego 7 (assist), Uyu mukinnyi yakinnye imikino ya CAF Champions League ubwo ikipe ye ya Vitalo FC yasohokeraga U Burundi mu mikino nya Africa aho basezerewe na Yanga Africans yo muri Tanzania muri Rawundi ya kabiri batsinzwe ibitego bitandatu k’ubusa, Uyu mukinnyi yari yabanje mu kibuga ndetse yakinnye iminota 90 yose y’umukino, Ni umukino wabaye kuwa gatandatu tariki ya 24 Kanama 2024, Uyu mukinnyi akinira ikipe y’igihugu y’U Burundi akaba amaze kuyikinira imikino itatu ahamagarwa bwambere mw’ikipe y’igihugu cye hari tariki ya 5 Nzeri 2024 aha yari afite imyaka 25 amezi 10 n’iminsi 23, Umutoza wavumbuye ubuhamga bwe akamuhamagara mbere ni Etiene Ndayiragije watozaga U Burundi icyo gihe.
Hari amakuru yavugaga ko hari bamwe mubagurisha abakinnyi bari bishyuye bamwe mu banyamakuru kugirango bangishe uyu mukinnyi ikipe ya Rayon sports kuberako atari bo bamuranze.
Musore Prince yakiniraga Vital’o FC akaba yasinyiye Rayon sports amasezerano y’imyaka ibiri.
Ushaka gutera inkunga Laverite.rw, Ushaka kwamamaza cyangwa hari inkuru idasanzwe ushaka kutugezaho waduhamagara kuri 0792070858.
