Mukiganiro Corneille Nanga yagiranye na YouTube ya Mario Nawfal, yahishuye ko Tshisekedi uri ku butegetsi atigeze atorerwa kuba umukuru wiki gihugu kuva mu myaka irenga itandaru ishize, kandi ko ari kuroha RDC mu manga ikomeye.
Uyu Nangaa yabaye Perezida wa Komisiyo y’amatora izwi nka CENI hariya muri RDC kuva mu mwaka wa 2015 kugeza 2021, Nangaa niwe watangaje ko Tshisekedi yatsinze amatora yo mumwaka wa 2018 ku majwi 38,56%, aho yakurikiwe na Martin Fayulu wagize 34,82%.
Nangaa ya yahishuye ko umuryango mpuza mahanga wagize uruhare rukomeye mu kwibira Perezida Tshisekedi amajwi mu matora yabaye mu 2018.
Umunyamakuru wagiranye ikiganiro na Nangaa yamubajije niba atariwe wafashije Tshisekedi kujya k’ubutegetsi, yamusubije ko kwibira amajwi Tshisekedi byagizwemo uruhare n’inzego zitandukanye za Leta ya Republika ya Kongo n’umuryango mpuzamahanga.
Corneille Nangaa ubu niwe uyoboye ihuriro rya Alliance Fleuve Congo (AFC), rihuriyemo umutwe wa M23 n’uwa Twirwaneho.
Muriki kiganiro Nangaa yahishuye ko abari mu butumwa bw’amahoro bw’umuryango w’Abibumbye Monusco, nabo bagize uruhare runini mukwibira Tshisekedi amajwi.
Nanga yagize ati:”Barabyemeye bose, kandi bavuga ko kandi aribwo buryo bwiza. Niyo mpanvu navuze ko atari jyewe. Ndetse na Monusco yabigizemo uruhare runini.
Corneille Nangaa kandi yavuze ko Martin Fayulu ko ariwe wari watsinze amatora y’umukuru w’igihugu mu mwaka wa 2018.
